चितवनमा एलटिके ट्रयाक एण्ड फिल्ड आयोजना हुने

काठमाडौं । लेक ट्वान्टी थाउजेन्ड फार्म रीट्रीट (एलटिके) को आयोजनामा चितवनमा आई लभ चितवन एलटिके ट्रयाक एण्ड फिल्ड प्रतियोगिता आयोजना हुने भएको छ ।

आयोजकले मंगलबार पत्रकार सम्मेलन गर्दै प्रतियोगिता चैत १९ गते शनिबार चितवन देवनगर - चम्पानगरमा हुने जनाएको छ ।

राष्ट्रिय स्तरको प्रतियोगितामा जुनियर छात्र/छात्रा, सिनियर पुरुष/महिला गरि २८ ट्रयाक एण्ड फिल्डको इभेन्ट्स हुनेछ।

जुनियरतर्फ ६० मिटर,२०० मिटर, ८ सय मिटर,लङ जम्प, सट पुट, ३ किमी क्रस कन्ट्री तथा सिनियरतर्फ ६० मिटर,२०० मिटर, ८ सय मिटर,लङ जम्प, सट पुट, ८ किमी क्रस कन्ट्री र भेट्रान पुरुष र महिलातर्फ ५ किमी क्रस कन्ट्रीमा प्रतिस्पर्धा हुनेछ  ।

प्रत्येक इभेन्ट्सको पहिलोले ५ हजार, दोस्रोले ३ हजार र तेस्रोले २ हजार प्राप्त गर्ने छन् ।

सिनियर र जुनियरको उत्कृष्ट २/२ खेलाडीलाई ट्रफी र खेल पोशाक पाउने छन् ।

कुल २५ लाख ५० हजार खर्च हुने प्रतियोगिता चितवन जिल्ला एथ्लेटिक्स संघले प्राविधिक सहयोग र एथलेटिक्स नेपालले सहजीकरण गर्ने छन् ।