काठमाडौं । इन्डियन प्रिमियर लिग (आईपीएल) टी-ट्वान्टी क्रिकेटको नयाँ टोली अहमदाबादको फ्रेन्चाईज नाम सार्वजनिक भएको छ ।
अहमदाबादले सोमबार आफ्नो फ्रेन्चाईज नाम सार्वजनिक गरेको हो ।
सिभिसी क्यापिटल्स पार्टनरको स्वामित्वमा रहेको अहमदाबादले आफ्नो फ्रेन्चाईज नाम 'अहमदाबाद टाइन्टस' राखेको छ।
यस्तै अहमदाबादले टिमको कप्तान समेत सार्वजनिक गरेको छ ।
अहमदाबादको कप्तानी हार्दिक पान्डयाले गर्ने छन् ।
नयाँ संस्करणको आईपीएल मार्च अन्तिम साताबाट आयोजना हुने बताईएको छ ।
नयाँ संस्करणको आईपीएलमा १० टोलीको सहभागिता हुनेछ । यस अघि ८ टोलीले खेल्दै आएका थिए ।
नयाँ संस्करणको मेगा अक्सन फेब्रुअरी १२ र १३ मा बैंगलोरमा हुनेछ ।
