पाउल इंग्ल्यान्डको अन्तरिम प्रशिक्षक

काठमाडौं । पाउल कोलिङउड इंग्ल्यान्ड क्रिकेट टिमको अन्तरिम प्रशिक्षक नियुक्त भएका छन् ।

इंग्ल्यान्ड क्रिकेटले सोमबार पूर्व अलराउण्डरलाई अन्तरिम प्रशिक्षक नियुक्त गरेको हो।

पाउलले आगामी मार्चमा हुने वेस्ट इन्डिजविरुद्धको टेस्ट सिरिजमा टोली सम्हाल्नेछन् ।

इंग्ल्यान्डले गत हप्ता मुख्य प्रशिक्षक क्रिस सिल्भरउडलाई बर्खास्त गरेको थियो ।

अष्ट्रेलियाविरुद्धको एसेस सिरिज गुमाएपछि इंग्ल्यान्डले क्रिसलाई बर्खास्त गरेको हो ।

इंग्ल्यान्डले एसेस सिरिज ४-० ले गुमाएको थियो ।

४६ वर्षीय प्रशिक्षक क्रिस २०१९ मा मुख्य प्रशिक्षक नियुक्त भएका थिए ।

क्रिसको नेतृत्वमा इंग्ल्यान्डले २९ टेस्ट खेल्दा १० मा जित निकालेको थियो ।