पाकिस्तान–भारत खेलको सम्पूर्ण टिकट बिक्री 

काठमाडौं । अष्ट्रेलियामा अक्टुबर १६ देखि नोभेम्बर १३ सम्म हुने आईसीसी पुरुष टी–ट्वान्टी विश्वकप क्रिकेटको टिकट बिक्री खुल्ला गरिएको छ । 

अन्तर्राष्ट्रिय क्रिकेट परिषद् (आईसीसी) ले सोमबारबाट विश्वकपको सबै खेलका टिकट बिक्री खुल्ला गरेको हो । 

बालबालिकका लागि पहिलो चरण तथा सुपर १२ का लागि ५ अमेरिकी डलरबाट टिकट बिक्री खुल्ला गरिएको छ । 

त्यसैगरी अन्य व्यक्तिका लागि भने टिकटको सुरुआती मूल्य २० डलर रहेको छ । 

विश्वकपका खेलहरु एडिलेड, ब्रिसबेन, गिलोङ, होबार्ट, मेलबर्न, पर्थ र सिड्नीमा हुनेछन् ।

यसैबीच सुपर १२ अन्तर्गत भारत र पाकिस्तानबीच अक्टुबर २३ मा हुने खेलका सबै टिकट बिक्री भएको छ । 

बिक्री खुल्ला भएको केही समयमै भारत र पाकिस्तानबीच हुने खेलको टिकट बिक्री भएको हो ।