पोखरा । छैठौं संस्करणको महिला पुरुष खुल्ला पर्वतीय दौड यहि माघ २३ गते सञ्चालन हुने भएको छ ।
हरेक वर्ष पोखराको केआईसिंहपुलदेखि अर्मलाको खेल मैदानसम्म करिब १२ किलो मिटरको पर्वतीय दौड प्रतियोगिता यस वर्ष समेत हुने भएको हो ।
श्रीपन्चमीको दिन बिहान ७ बजे केआईसिंहपुलबाट दौड सुरु हुने आयोजक अर्मला कोट युवा क्लबले जानकारी दिएको छ ।
बिगत वर्षहरुमा अर्मलाबासीको दौड प्रतियोगितामा सहभागीलाई पनि छुट्टै पुरस्कारको ब्यवस्था गरिएको भएतापनि यस बर्षदेखि भने वडा नम्बर १६ का सहभागीलाई प्रोत्साहन पुरस्कार दिईने क्लबको उदेश्य रहेको छ ।
छैठौं महिला पुरुष खुल्ला पर्वतीय दौड प्रतियोगितामा सहभागीलाई भने पुरुषतर्फ प्रथम हुनेलाई २० हजार, दोस्रो हुनेलाई १५ हजार, तेस्रो हुनेलाई १० हजार र चौथो हुनेलाई ५ हजार रहेको छ ।
त्यसैगरि महिलातर्फ प्रथम हुनेलाई १० हजार, दोस्रो हुनेलाई ८ हजार र तेस्रो हुनेलाई ५ हजार नगद दिईने भएको छ ।
अर्मलाकोट गाउँका बेलायतमा रहेका महानुभावहरुले प्रायोजन गरिएको प्रतियोगितामा सहभागिताका लागि हाल सम्म करिब डेढ दर्जन प्रतियोगीहरुले नाम दर्ता गरिसकेको र यो क्रम जारी रहेको पर्वतीय दौड प्रतियोगिताका संयोजक जुम गुरुडले जानकारी दिएका छन् ।
