प्रदेश १ पालिका स्तरिय भलिबल सुरू

इलाम । झापा गाउँपालिकामा दोस्रो अध्यक्ष कप प्रदेश नं १ पालिका स्तरीय पुरुष भलिबल  सुरु भएको छ ।

स्थानीय जनता माध्यमिक विद्यालयको खेल मैदानमा जारी प्रतियोगिताको उद्घाटन खेलमा वाकओभर पाउँदै दमक नगरपालिका विजयी भएको छ ।

दमक नगरपालिका झापा र मेचीनगर नगरपालिका झापाबीच हुने भनिएको पहिलो खेलमा मेचीनगर निर्धारित समयमा उपस्थित नभएपछी दमक नगरपालिका विजयी घोषित भएको थियो ।

त्यस्तै दोस्रो खेल षडानन्द नगरपालिका भोजपुर र कनकाई नगरपालिका झापाबीच भएको थियो । कनकाईलाई ३-१ सेटमा हराउँदै षडानन्द विजयी भएको छ ।  

त्यस्तै तेस्रो खेल झापा गाउँपालिका झापा र बाह्रदशी गाउँपालिका झापाबीच भएको खेलमा झापा विजयी भएको छ । झापाले ३-१ को सेटमा बाह्रदशीलाई पराजित गर्यो ।

प्रतियोगिताको विजेताले १ लाख ५१ हजार र उप-विजेताले १ लाख नगद पुरस्कार पाउने छन् । सेमिफाइनलबाट बाहिरिने टोलीले समेत पुरस्कार प्राप्त गर्ने छन्। सेमिफाइनलबाट बाहिरिने टोलीले १५ हजार हात पार्ने बताईएको छ ।