भलिबल टोली बंगलादेश जाँदै

काठमाडौं । नेपाली राष्ट्रिय महिला तथा पुरुष भलिबल टोली आज सोमबार बंगलादेश प्रस्थान गर्दैछन् ।

ढाकामा आयोजना हुने एसियन सिनियर सेन्ट्रल जोन पुरुष तथा महिला भलिबल च्यालेन्ज कपमा सहभागिता जनाउन नेपाली टोली बिहान १० बजे त्यसतर्फ प्रस्थान गर्ने छन् ।

नेपाली टोलीलाई भलिबल संघले आइतबार नै बिदाइ गरिसकेको छ ।

प्रतियोगितामा पुरुषतर्फ ५ र महिलातर्फ ६ राष्ट्रले सहभागिता जनाउने छन् ।

पुरुषमा आयोजक बंगलादेश, नेपाल, माल्दिभ्स, श्रीलंका र उज्वेकिस्तानले प्रतिस्पर्धा गर्नेछन् ।

महिलामा आयोजक  बंगलादेश, नेपाल, किर्गिस्तान, माल्दिभ्स, श्रीलंका र उज्वेकिस्तानले प्रतिस्पर्धा गर्नेछन् ।

राउण्ड रोबिनको आधारमा हुने प्रतियोगिताको शीर्ष दुई टोलीले फाइनलमा प्रतिस्पर्धा गर्नेछ ।

यस्तै तेस्रो र चौंथो टोलीले तेस्रो स्थानको लागि प्रतिस्पर्धा गर्नेछ ।

महिलातर्फ नेपाल साविक विजेता हो ।

पुरुषतर्फ नेपाल समूह चरणबाट बाहिरिएको थियो ।