राष्ट्रिय पुरुष भलिबल टिमको घोषणा, मान र भैरवको पुनरागमन

काठमाडौं । बंगलादेशमा आयोजना हुने एसियन सिनियर सेन्ट्रल जोन पुरुष तथा महिला भलिबल च्याम्पियनसिपका राष्ट्रिय पुरुष टिमको घोषणा भएको छ ।

नेपाल भलिबल संघले आइतबार इम रानाको कप्तानीमा सेन्ट्रल जोन खेल्ने १२ सदस्सीय टिम घोषणा गरेको हो ।

बन्द प्रशिक्षणमा रहेका १६ खेलाडीबाट मुख्य प्रशिक्षक हान एबिङले अन्तिम चरणमा १२ सदस्सीय टिम घोषणा गरेका हुन् ।

अन्तिम चरणमा लिब्रो ईश्वर थापा, मिडलबाट  दिपक राज जोशी, अपोजिटबाट रबिन चन्द र रिसेप्सनबाट धिरज बस्नेत बाहिरिए ।

मान बहादुर श्रेष्ठ र भैरव बमले राष्ट्रिय टोलीमा पुनरागमन गरेका छन् ।

ढाकामा आयोजना हुने प्रतियोगिता आगामी डिसेम्बर २१ देखि २९ सम्म हुनेछ ।

नेपाली टिम  :

ईम राना मगर, हरि हजुर थापा, मान बहादुर श्रेष्ठ, धनबहादुर भट्ट क्षेत्री, राजेन्द्र विष्ट, टेकराज अवस्थी, हरि बहादुर अधिकारी, दुर्गा बहादुर खड्का, भैरव बहादुर बम, शरण समारी क्षेत्री, विशाल विक विनोद चन्द