काठमाडौं । प्रचण्ड चाहन्छन्, सदस्य सचिव ‘हेभिवेट’को होस् । दुखद विषय, माओवादी केन्द्रभित्र ‘हेभिवेट’को सदस्य सचिव भेट्न गाह्रो भईरहेको छ ।
‘हेभी’ छाडेर थोरैपनि ‘वेट’ भएको सदस्य सचिवका लागि माओवादी आन्तरिक गृहकार्यमा छ । प्रचण्ड भन्थे, खेलकुदको प्रचण्ड युवराज लामा हो । उनै लामा अहिले खेलकुदमा छैनन् । पर्यटन प्रबद्र्धन र चुरे संरक्षणको अभियानमा लामा अहिले क्रियाशिल छन् । उमेरको मापदण्ड मिल्थ्यो भने, सायद उनै सदस्य सचिवका ‘हेभिवेट’ उम्मेदवार बन्थे ।
माओवादीको खेलकुदमा जनवर्गिय संगठन छ, अखिल नेपाल खेलकुद महासंघ । महासंघको नेतृत्वकर्ता शिव कोईराला राखेपका उपाध्यक्ष छन् । खेलकुदमा माओवादीले आफ्नो आकार र आयतन बढाउनै सकेन । नेतृत्व विकास गर्नै सकेन, संगठित गर्नै सकेन । राष्ट्रिय राजनीति जस्तै खेलकुदमा पनि माओवादी नेतृत्वदायी भुमिका भन्दा च्याखे थाप्ने ‘क्रिया’मै सिमित छ ।
माओवादी शान्तिपूर्ण राजनीतिमा आएपछि खेलकुदमा माओवादीको झण्डा बोकेका कराँतेका ध्रुव बिक्रम मल्ल भर्खरै राप्रपा प्रवेश गरेका छन् । खेलकुदमा माओवादीको ‘हरिबिजोग’ छ । त्यसैले माओवादीभित्र सदस्य सचिवको बलियो दाबेदार देखिएका छैनन् ।
सदस्य सचिवका लागि रिक्त पदमा युवा तथा खेलकुद मन्त्रालयले खुल्ला दर्खास्त माग गरेको छ । तर निवेदन दर्ताको संख्या निकैनै कम देखिन्छ । सबैलाई थाहा छ, खेलकुद मन्त्रालय माओवादीको भागमा छ । माओवादी केन्द्रको शक्तिकेन्द्र खुमलटार र खेलकुद मन्त्री महेश्वर गहतराजबाट ग्रिन सिग्नर प्राप्त नगरि निवेदन दर्ता गर्नुको खास अर्थ छैन ।
बुधबारसम्म शुन्य प्राय देखिएको सदस्य सचिवको दाबीमा बिहीबार टंकलाल घिसिङले निवेदन दर्ता गराएका छन् । पार्टी संगठनमा प्रोफाइल भएका नेता र खेलकुदको आबद्धताका हिसाबले छिसिङले निवेदन दर्ता गरेर राखेप सदस्य सचिवमा दाबी प्रस्तुत गरेका छन् ।
माओवादी शसस्त्र बिद्रोहमा आबद्ध भएको पृष्ठभुमीदेखि माओवादी केन्द्रको बागमती प्रदेश कमिटिका सदस्यका हिसाबले घिसिङलाई सदस्य सचिवको बलियो दाबेदार मानिएको छ । खेलकुदमा उनी रग्बी संघको अध्यक्ष छन् । एसियन रग्बी महासंघको कार्यसमितिमा निर्वाचित भएपछि उनी थप चर्चामा आएका थिए ।
रामेछापको जिल्ला राजनीतिमा समेत राम्रो प्रभाव राख्ने छिसिङ एक समय हितबहादर तामाङ मन्त्री हुँदा स्वकिय सचिवको रुपमा काम गरेका थिए । सदस्य सचिवको दौडमा घिसिङ सामेल भैरहदाँ तामाङ सहितका माओवादी पृष्ठभुमीका नेताहरु उनलाई सदस्य सचिव बनाउनुपर्ने लबिङमा छन् । माओवादीको खेलकुदमा राम्रो प्रभाव राख्ने नेताहरुनै खुलेर लागेपछि सदस्य सचिवमा घिसिङको सम्भावना बढी देखिन्छ ।
माओवादीभित्र खेलकुदको संगठनको रुपमा अखिल नेपाल खेलकुद महासंघ क्रियाशिल छ । त्यसको नेतृत्व राखेप उपाध्यक्ष शिव कोईरालाले गर्छन् । माओवादीभित्र सदस्य सचिवको खोजी हुँदै गर्दा महासंघले स्वभाविक रुपमा दाबी प्रस्तुत गरेको छ । त्यसमा महासंघका वरिष्ठ उपाध्यक्ष राजकुमार कार्की र अन्जन धमलाको नाम छलफलमा छ ।
महासंघका दुई नेतालाई अघि सारेर उपाध्यक्ष कोईराला राजनीतिक लबिङमा छन् । धमलाले शुक्रबार बिहानै राखेप बोर्ड सदस्यको रुपमा मनोनित भएर 'सरप्राइज' पाएका छन् । महासंघको उपाध्यक्ष रहेका अखिल नेपाल फुटबल संघ (एन्फा)का केन्द्रिय सदस्य किरण राई समेत सदस्य सचिवको दौडमा थिए । उनी महासंघ भन्दा पूर्वी क्षेत्रको राजनीतिक लबिङलाई जोड दिईरहेका छन् ।
पार्टी सरकारमा गएपछि विभिन्न प्रदेशबाट खेलकुदमा आबद्ध नेताले सदस्य सचिवमा जोड गरेका छन् । तत्कालिन मध्यपश्चिम तथा लुम्बिनी प्रदेशबाट अकलबहादुर बमको दाबीलाई समेत माओवादीको राजनीतिक नेतृत्वले गम्भिरता पूर्वक लिएको देखिन्छ ।
भलिबलमा पूर्व राष्ट्रिय खेलाडी बमले तत्कालिन मध्यपश्चिम क्षेत्रीय खेलकुद विकास समितिको समेत नेतृत्व गरेका थिए । मध्यपश्चिम खेलकुदको समग्र नेतृत्व गरेका हिसाबले उनले अहिले केन्द्रिय नेतृत्वमा समेत दाबी गरेका छन् ।
पश्चिमबाट बमको दाबी जस्तै पूर्वबाट माओवादीको किरण गिरीको नाम समेत सिफारिस छ । माओवादीभित्र पूर्वको खेलकुका हस्ती मानिने गिरीलाई प्रदेश नम्बर एकको खेलकुद परिषद्कै सदस्य सचिवको रुपमा हेरिएको थियो । तर गिरीले तत्काल प्रदेशमा जाने मन गरेका छैनन्, उनको सिफारिस केन्द्रमै देखिन्छ । केन्द्रमा सम्भव नभए उनलाई प्रदेश नम्बर एकको प्रदेश खेलकुद परिषद्को सम्भावित सदस्य सचिवको रुपमा हेरिएको छ ।
माओवादीको जनवर्गिय संगठन योङ्ग कम्युनिष्ट लिग (वाईसीएल)का संयोजक सुमन देवकोटाको नाम समेत सदस्य सचिवको रुपमा चर्चामा छ । कास्की जिल्ला खेलकुद विकास समितिको अध्यक्षको रुपमा देवकोटाको भुमिकालाई धेरैले प्रशंसा गरेका थिए । सोही कारण उनलाई समेत युवाको नेतृत्व हुने गरि सदस्य सचिव बनाउनुपर्छ भन्ने लबिङ पार्टीभित्र देखिन्छ ।
तर वाइसीएल निकट स्रोत भने देवकोटा आफै रवीराज राजकर्णिकारलाई सदस्य सचिव बनाउन हिडेको बताउँछ । राजकर्णिकार नेपाल घोडचढी संघका अध्यक्ष हुन् । संघले भर्खरै अन्तराष्ट्रिय मान्यता समेत पाएको छ ।
सदस्य सचिवको रुपमा चर्चामा रहेका अर्का पात्र हुन्, राखेपका पूर्व सदस्य सचिव केशवकुमार विष्ट । नेकपा एकीकृत समाजवादीको खेलकुद महासंघका संयोजक बनेका विष्ट सदस्य सचिवको दौडमा देखिन्छन् ।
राष्ट्रिय राजनीतिमा एक अर्काको सारथी जस्तै बनेका माओवादी केन्द्र र एकीकृत समाजवादीले सदस्य सचिवमा भागबण्डा गर्ने सम्भावना पनि उत्तिकै देखिन्छ ।
एकीकृत समाजवादीका खेलकुदका नेताहरु मन्त्रालय माओवादीको भागमा परेकाले सदस्य सचिवमा विष्टलाई सिफारिस गर्नुपर्ने भन्दै लबिङमा रहेका छन् । एकीकृत समाजवादीका अध्यक्ष माधवकुमार नेपालले समेत यस विषयमा माओवादी केन्द्रका अध्यक्ष प्रचण्डसँग छलफल गर्ने आश्वासन दिएका छन् ।
राजनीतिक गठनबन्धनलाई थप कसिलो बनाउन माओवादी केन्द्रले सदस्य सचिवमा एकीकृत समाजवादीप्रति उदारता देखाउने सम्भवनापनि उत्तिकै छ ।
-1731292263.jpg)
-1732590134.webp)
