पेनले एसेस सिरिज गुमाउने

काठमाडौं । अष्ट्रेलिया टेस्ट टिमका पूर्व कप्तान टिम पेनले इंग्ल्यान्डविरुद्धको एसेस सिरिज गुमाउने भएका छन् ।

क्रिकेट खेलबाट अनिश्चित समयको लागि विश्राम लिएपछि पेनले एसेस सिरिज गुमाउने भएका हुन् ।

पेनले मानशिक स्वास्थ्यको कारण देखाएर क्रिकेट खेलमा केहि समय ब्रेक लिने निर्णय गरेका छन् ।

एसेस सिरिज अन्तर्गतको पाँच खेलको टेस्ट आगामी डिसेम्बरमा हुनेछ ।

पहिलो टेस्ट डिसेम्बर ८ मा ब्रिसबेनमा सुरु हुनेछ ।

३६ वर्षीय पेनले गत साता मात्रै टेस्ट क्रिकेटको कप्तानी छाडेका थिए ।

पेन पछिल्लो समय विवादित बनेका छन् । महिला सहकर्मीलाई सन्देश पठाएको विषयमा क्रिकेट अष्ट्रेलियाले उनीमाथि छानबिन गरिरहेको छ ।