काठमाडौं । पाकिस्तानले घरेलु टिम बंगलादेशविरुद्धको तीन खेलको टी-ट्वान्टी अन्तराष्ट्रिय क्रिकेट सिरिज जितेको छ ।
ढाकामा शनिबार दोस्रो टी-ट्वान्टीमा बंगलादेशलाई ८ विकेटले हराएर पाकिस्तानले एक खेल अगाबै सिरिज आफ्नो बनाएको हो ।
जितसँगै तीन खेलको सिरिजमा पाकिस्तानले २-० को अग्रता बनाएको छ ।
बंगलादेशले दिएको १ सय ९ रनको लक्ष्य पाकिस्तानले १८ ओभर १ बलमा २ विकेट गुमाएर पूरा गर्यो ।
पाकिस्तानको जितमा फखर जमानले अविजित रहदै ५७ रनको अर्धशतकीय इनिङ्स खेले । मोहमद रिजवानले ३९ रन बनाए । कप्तान बाबर आजम १ रनमा आउट हुँदा हेइदर अलि ६ रनमा अविजित रहे ।
बंगलादेशका मुस्ताफिजुर रहमान र अमिनुल इस्लामले १/१ विकेट लिए ।
यस अघि पहिले ब्याटिङ गरेको बंगलादेशले २० ओभरमा ७ विकेट गुमाएर १ सय ८ रन बनाएको थियो ।
बंगलादेशका नाजमुल होसेनले ४० रन बनाए । यस्तै अफिफ होसेनले २० तथा कप्तान महमुदउल्लाहले १२ रन बनाए ।
पाकिस्तानका शहिन शाह अफ्रिदी र शादब खानले २/२ विकेट लिए ।
-1737558619.JPG)
-1737554261.JPG)
