भारतलाई न्युजिल्याण्डविरुद्धको सिरिज

काठमाडौं । घरेलु टिम भारतले न्युजिल्याण्डविरुद्धको तीन खेलको टी-ट्वान्टी अन्तराष्ट्रिय सिरिज जितेको छ ।

राँचीमा शुक्रबार भएको दोस्रो टी-ट्वान्टीमा न्युजिल्याण्डलाई ७ विकेटले हराउँदै भारतले एक खेल अगाबै सिरिज आफ्नो बनाएको हो ।

जितसँगै तीन खेलको सिरिजमा भारतले २-० को अग्रता समेत बनाएको छ । तेस्रो तथा अन्तिम खेल आइतबार हुनेछ ।

न्युजिल्याण्डले दिएको १ सय ५४ रनको लक्ष्य भारतले १७ ओभर २ बलमा ३ विकेट गुमाएर पूरा गर्यो ।

भारतको जितमा केएल राहुल र कप्तान रोहित शर्माले अर्धशतकीय इनिङ्स खेले ।

राहुलले ६५ तथा शर्माले ५५ रन बनाए ।

यस्तै  भेन्कातेस आयरले अविजित १२ रन जोड्दा ऋषव पन्तले अविजित १२ रन बनाए ।

सूर्यकुमार यादव १ रनमा आउट भए ।

न्युजिल्याण्डका टिम साउथीले ३ विकेट लिए ।

यस अघि पहिले ब्याटिङ गरेको न्युजिल्याण्डले २० ओभरमा ६ विकेट गुमाएर १ सय ५३ रन बनाएको थियो ।

न्युजिल्याण्डका ग्लेन फिलिप्सले ३४ रन बनाए । मार्टिन गुप्टिल र मिचेलले समान ३१/३१ रन जोडे ।

मार्क च्याम्पम्यानले २१ तथा टिम सेइफर्टले १३ रन बनाए ।

भारतका हर्सल पटेलले दुई विकेट लिए ।  भुवनेश्वर कुमार,रविचन्द्र आश्विन, दिपक चाहर र अक्षर पटेलले १/१ विकेट लिए ।