काठमाडौं । दक्षिण अफ्रिकी ब्याट्म्यान एबी डि भिलियर्सले सबै खाले क्रिकेटबाट सन्यासको घोषणा गरेका छन् ।
सन् २०१८ मा अन्तर्राष्ट्रिय क्रिकेटबाट सन्यास लिईसकेका भिलियर्सले टी–ट्वान्टी लिग भने खेल्दै आएका थिए ।
इन्डियन प्रिमियर लिग अन्तर्गत उनी सन् २०११ देखि रोयाल च्यालेन्जर्स बैंग्लोरबाट खेल्दै आएका थिए ।
३७ वर्षीय भिलियर्सले १७ वर्ष क्रिकेट खेलेका थिए ।
भिलियर्सले दक्षिण अफ्रिकाका लागि १ सय १४ टेस्ट, २ सय २८ एकदिवसिय र ७८ टी–ट्वान्टी खेलेका छन् ।
उनले टेस्टमा ८ हजार ७ सय ६५, एकदिवसियमा ९ हजार ५ सय ७७ र टी–ट्वान्टीमा १ हजार ६ सय ७२ रन जोडेका छन् ।
भिलियर्सले टेस्टमा २२ शतक र ४६ अर्धशतक तथा एकदिवसियमा २५ शतक तथा ५३ अर्धशतक प्रहार गरेका छन् ।
-1737558619.JPG)
-1737554261.JPG)
