आयरल्यान्डका प्रशिक्षक फोर्डको राजिनामा

काठमाडौं । ग्राहम फोर्डले आयरल्यान्ड क्रिकेट टिमको मुख्य प्रशिक्षक पदबाट राजिनामा दिएका छन् ।

कोभिड–१९ ले निम्त्याएको चुनौतीहरुसँग जुध्न उनले तत्काल लागू हुने गरी राजिनामा दिएका हुन् ।

आयरल्यान्डले डिसेम्बरमा अमेरिका र जनवरीमा वेस्ट इन्डिजको भ्रमण गर्नु अघि मुख्य प्रशिक्षक फोर्डले राजिनामा दिएका हुन् ।

क्रिकेट आयारल्यान्डले आगामी हप्ता अन्तरिम प्रशिक्षकको व्यवस्था गरिने जनाएको छ ।

फोर्डको सम्झौता डिसेम्बरको मध्यसम्म रहेकाले उनी केही समय विश्राममा रहनेछन् ।

दक्षिण अफ्रिकी नागरिक फोर्ड सन् २०१७ मा तीन वर्षका लागि आयरल्यान्डको मुख्य प्रशिक्षकमा नियुक्त भएका थिए भने सन् २०१९ मा उनको सम्झौत तीन वर्ष थप गरिएको थियो ।

उनी आयारल्यान्ड क्रिकेटको संक्रमणकालिन चरणमा टिमसँगै थिए, जसमा सन् २०१८ मा आयरल्यान्डको टेस्ट क्रिकेट डेब्यु र हालै भएको आईसीसी टी–ट्वान्टी विश्वकपमा निराशाजनक प्रदर्शन थिए ।

फोर्डको कार्यकालमा आयारल्यान्डले १ सय १ अन्तर्राष्ट्रिय क्रिकेट खेलेको थियो जसमा ५१ टी–ट्वान्टी, ४७ एकदिवसिय र तीन टेस्ट क्रिकेट खेल रहेका छन् ।