काठमाडौं । पल्सर सहिद स्मारक 'ए' डिभिजन लिग फुटबलमा आज (शुक्रबार) दुई खेल हुँदैछ ।
एन्फा कम्प्लेक्स सातदोबाटोमा आज हुने पहिलो खेलमा हिमालयन शेर्पा क्लब र विभागीय टोली एपीएफ क्लबबीच प्रतिस्पर्धा हुनेछ । त्यस्तै दोस्रो खेलमा ब्रिगेड ब्वाइज र सिग्नेचर मनाङ मर्स्याङ्दी क्लबबीच खेल हुनेछ ।
हिमालयन र एपीएफबीचको खेल बिहान ११ बजे सुरु हुनेछ । दुवै टोली पहिलो खेलमा ३ अंक जोड्ने लक्ष्यसहित मैदान उत्रनेछन् ।
लिग अन्तर्गत ब्रिगेड र मनाङबीचको दोस्रो खेल दिउसो ३ बजे सुरु हुनेछ । ब्रिगेड र मनाङ पनि विजयी सुरुवात गर्ने लक्ष्यसहि मैदान उत्रनेछन् ।
