काठमाडौं । रुस्लान थ्री स्टार क्लबले पल्सर सहिद स्मारक 'ए' डिभिजन लिग फुटबलमा विजयी सुरुवात गरेको छ ।
बिहिबार भएको खेलमा थ्री स्टारले एनआईबीएल फ्रेन्ड्स क्लबलाई २ - १ ले पराजित गर्यो ।
सातदोबाटोस्थित एन्फा कम्प्लेक्समा थ्री स्टारलाई जित दिलाउन रन्जन बिष्ट र बुद्ध राज लिम्बुले एक एक गोल गरे । फ्रेन्ड्सका विकास लामाले एक गोल फर्काए ।
पहिलो हाफको १७ औं मिनेटमा रन्जनले गोल गर्दै थ्री स्टारलाई सुरुवाती अग्रता दिलाएका थिए । खेलको ८३ औं मिनेटमा बुद्धले गोल गर्दै थ्री स्टारलाई २ - ० को अग्रता दिलाए । खेलको इन्जरी समयमा फ्रेन्ड्सका विकासले एक गोल फर्काएपनि थ्रीस्टार २ - १ ले बिजयी भयो ।
जितसंगै थ्री स्टारले महत्वपूर्ण ३ अंक जोडेको छ । फ्रेन्ड्सले हारबाट लिगको सुरुवात गरेको छ ।
