काठमाडौं । आयरल्याण्डकी ब्याट्सवुमन एमी हन्टरले सर्वाधिक कम उमेरमा एकदिवसीय अन्तराष्ट्रियमा शतक पूरा गर्ने महिला खेलाडीको कीर्तिमान बनाएकी छिन् ।
जिम्बावेविरुद्धको चौंथो एकदिवसीयमा शतक पूरा गर्दै एमीले इतिहास रहेकी हुन् । एमीले १६ वर्षको उमेरमा शतक बनाएकी हुन् ।
जिम्बावेविरुद्ध उनले अविजित १ सय २१ रन जोडिन । जुन खेलमा आयरल्याण्ड ८५ रनले विजयी भएको छ ।
एमीले भारतकी मिथाली राजको कीर्तिमान भङ्ग गरेकी हुन् । यस अघि मिथालीले १९९९ मा १६ वर्ष २ सय ५ दिनको दिन शतक बनाएर कीर्तिमान बनाएकी थिइन् ।
