काठमाडौं । कुनै समय ओमानको फोहोर क्रिकेट मैदानमा जलसेनाको टुकडीले क्रिकेट खेल्ने गर्दथे ।
उक्त क्रिकेट मैदान अहिले ओमान क्रिकेट एकेडेमी ग्राउण्डको रुपमा चिनिन्छ,जहाँ ओमानले अक्टोबर १७ तारिखबाट आईसीसी पुरुष टी-ट्वान्टी विश्वकप २०२१ आयोजना गर्दैछ ।
युएई र ओमानले संयुक्त रुपमा आयोजना गर्न लागेको विश्वकपको पहिलो खेलपनि ओमानमै खेलाईदैछ ।
यहाँ हामी विश्वकप आयोजना गरिरहेको ओमानले क्रिकेटमा गरेको उदयको चर्चा गर्दैछौ । यो भन्न पर्याप्त छ कि ओमानले क्रिकेटमा ऐतिहासिक परिवर्तन देखेको छ । र, ती परिवर्तनहरु कनास्की खिम्जीको सपनाबाट प्रेरित छन् ।
सन् १९७९ मा गठन भएको ओमान क्रिकेट बोर्डका संस्थापक अध्यक्ष खिम्जीलाई ओमान क्रिकेटको पुर्खाको रुपमा लिइन्छ र त्यसैको परिणामस्वरुप ओमानको अहिलेको राष्ट्रिय क्रिकेट टोली हो ।
अन्य व्यावसायिक जीवनसंगै क्रिकेटको हरेक विकासमा योगदान गरेबापत खिम्जीलाई तत्कालिन सुल्तान कबुसले उनलाई शेखको उपाधि दिए । खिम्जीले सन् २०११ मा आईसीसी लाईफटाईम सर्भिस अवार्ड समेत प्राप्त गरे ।
गत फेब्रुअरीमा निधन हुनु अघि खिम्जीले ओमान क्रिकेट एकेडेमी ग्राउण्डलाई टेष्ट मैदानको मान्यता प्रदान गरियो । खिम्जीको निधनपछि उनका छोरा तथा ओमान क्रिकेट बोर्डका दीर्घकालिन सदस्य पंकजले सो जिम्मेबारी सम्हालेका छन् ।
विश्वकपको सह आयोजकको जिम्मा पाएको ओमान यो महिना युएईसंगै क्रिकेटको केन्द्रको रुपमा रहनेछ । मैदानमा देखाएको क्षमताका कारण विश्वकपको एक लडाकुको रुपमा उभ्याएको ओमानका लागि सह आयोजकको भूमिका भनेको उसको व्यवसायिकताको एक प्रमाण पनि हो ।
ओमानले क्रिकेटमा गरेको चामत्कारिक उदयलाई केवल अफगानिस्तानसँग तुलना गर्न सकिन्छ । सन् २००० मा आईसीसीको एफिलियट सदस्यता प्राप्त गरेको ओमानले सन् २०१४ मा एसोसियट सदस्यता प्राप्त गर्यो ।
सन् २०१६ सम्म आईसीसी विश्व क्रिकेट लिगको डिभिजन फाईभमा रहेको ओमानले चामत्कारिक रुपमा सोही वर्ष भारतमा आयोजना भएको टी-ट्वान्टी विश्वकपका लागि छनौट भयो । सो प्रतियोगिताको पहिलो खेलमै उसले आयरल्याण्डलाई पराजित गर्न सफल भयो । त्यसपछि पनि ओमानको प्रगति कायम छ र उसले सन् २०१९ मा एकदिवसिय टोलीको मान्यता प्राप्त गर्यो ।
टी-ट्वान्टी विश्वकपमा डेब्यू गरेको पॉच वर्षपछि ओमानले पुन विश्वकप खेल्दैछ, र यसपटकको यात्रा पनि चुनौतीपूर्ण नै रह्यो । विश्वकपका लागि सन् २०१९ मा भएको छनौटबाट अन्तिम टोलीको रुपमा विश्वकपमा प्रवेश गरेको ओमानलाई विश्वकपका लागि छनौट हुने टोलीको रुपमा हेरिएको थिएन तर उसले अन्तिमसम्म संघर्ष गर्यो । छनौट प्रतियोगिता अन्तर्गत समूह चरणमा दोस्रो स्थानमा रहेको ओमानले सेमिफाईनल प्लेअफमा नामिवियासँग पराजित भयो ।
विश्वकपका लागि केवल शीर्ष ६ स्थानमा रहने टोलीले छनौट हुने अवस्थामा ओमानले हङकङलाई जसरी पनि पराजित गर्नुपर्ने अवस्थामा आईपुग्यो । र, उसले हङकङलाई पराजित गरी विश्वकपको यात्रा तय गर्यो ।
ओमानको क्रिकेटलाई नजिकबाट हेर्दा उसले राम्रो भन्दा राम्रो टोलीलाई पराजित गर्नसक्ने क्षमता राख्दछ तर एउटामात्र कुरामा ध्यान दिनुपर्ने हुन्छ त्यो हो समान प्रदर्शन गर्नसक्ने निरन्तरता र स्थिरता । सन् २०१५ मा टी-ट्वान्टी अन्तर्राष्ट्रियको मान्यता प्राप्त गरेको ओमानले ३६ खेल खेलेको छ जसमध्ये १९ मा खेलमा पराजय भोगेको छ ।
दुईपटक आयरल्याण्डलाई पराजित गरेको ओमानले भने सन् २०२० मा कतारसंग अप्रत्यासित पराजय भोगेको थियो । यस विश्वकपमा राम्रो प्रदर्शनका लागि ओमानका लागि कन्सीस्टेन्सी (निरन्तरता) खोज्नु आवश्यक छ । र आफ्नै घरेलु मैदानको फाईदा उठाउन पनि सक्छ ।
-आईसीसीको सहयोगमा
