गिलको अर्धशतकमा कोलकत्ताको जित
काठमाडौं । ईन्डियन प्रिमियर लिग (आईपीएल) टी-ट्वान्टी क्रिकेटमा कोलकत्ता नाइट राइडर्सले जित निकालेको छ ।
दुबईमा आइतबार राति कोलकत्ताले सनराइजर्स हैदरावादलाई ६ विकेटले हराएको हो ।
हैदरावादले दिएको १ सय १६ रनको लक्ष्य कोलकत्ताले १९ ओभर ४ बलमा ४ विकेट गुमाएर पूरा गर्यो ।
कोलकत्ताको जितमा सुबमन गिलले ५७ रनको अर्धशतकीय इनिङ्स खेले । नितिस रानाले २५ तथा दिनेश कार्तिकले अविजित १८ रन बनाए ।
हैदरावादका जासन होल्डरले २ विकेट लिए ।
यस अघि पहिले ब्याटिङ गरेको हैदरवादले २० ओभरमा ८ विकेट गुमाएर १ सय १५ रन बनाएको थियो ।
हैदरावादका केन विलियम्सनले २६ रन जोड्दा अब्दुल समादले २५ रन बनाए । प्रियम गार्गले २१ रन बनाए ।
कोलकत्ताका टिम साउथी, शिबम माभी र वरुण चक्रवर्तीले २/२ विकेट लिए ।
यस जितसँगै कोलकत्ताले १३ खेलमा १२ अंक जोडेको छ । कोलकत्ता चौंथो स्थानमा रहेको छ ।
हैदरावाद ४ अंक जोडेर पुछारमा रहेका छन् ।
