पहिलो हाफमा नेपाललाई २-० को अग्रता

काठमाडौं । बंगलादेशविरुद्धको पहिलो मैत्रीपूर्ण फुटबल खेलको पहिलो हाफमा नेपालले २-० गोलको अग्रता बनाएको छ।

त्रिपुरेश्वरस्थित दशरथ रंगशालामा जारी खेलको पहिलो हाफ सकिदा नेपालले २-० को अग्रता बनाएको हो ।

पहिलो हाफमा नेपालका लागि डेब्यु खेलाडी सबिता राना र प्रिती राईले एक एक गोल गरिन् ।

खेलको १४ औं मिनेटमा डेब्यु खेलाडी सबिताले  गोल गर्दै नेपाललाई सुरुवाती अग्रता दिलाएकी थिइन् । उनले पुजा रानाको क्रसमा हेड गोल गरिन् ।

त्यसपछि खेलको २३ औं मिनेटमा सरु लिम्बुको पासमा प्रितीले गोल गर्दै नेपाललाई २-० को अग्रता दिलाएकी हुन् ।