एमबाप्पेलाई फकाउन पीएसजीले सबै उपाय अपनाउने

काठमाडौं।  पेरिस सेन्ट जर्मेन (पीएसजी) ले अन्तिम प्रस्तावका रूपमा केयलिन एमबाप्पेलाई प्रति वर्ष दुई करोड ५० लाख युरोको पारिश्रमिक दिन्छु भनेको छ । तर पनि एमबाप्पेले मानिरहेको छैन् ।

तलबको लोभ देखाउने काम लियोनार्डोले गरिरहेका थिए, अब उनले अझ बढी पारिश्रमिक दिन्छु भन्न सक्ने छैन्, व्यक्तिगत रूपमा ।

यता एमबाप्पे पनि रियल मड्रिड जाने जिद्दीमै बसेको छ । सन् २०२२ मा एमबाप्पेले रियलसँग फ्रि–ट्रान्सफरमा अनुबन्ध गर्न सक्छ । तर पनि पीएसजीले हरेस खाएको छैन् र यी फ्रान्सेली अन्तर्राष्ट्रिय खेलाडीलाई आफ्नै क्लबमा कायम राख्न चाहन्छ । अनि यसका लागि क्लब सबै प्रकारको उपाय अपनाउन पनि तयार छ ।

के के हुन त यी उपाय ? पीएसजीले चाँडै एमबाप्पेलाई दुई वर्ष अनुबन्धको प्रस्ताव राख्ने छ र यसपल्ट पीएसजीका उच्च पदाधिकारीले उनलाई लियोनार्डोले भनेको भन्दा बढी तबल दिन्छु भन्ने छ । पीएसजीले लियोनल मेस्सी र नेयमार टिममा रहेपनि एमबाप्पे नै आफ्नो प्रमुख खेलाडी पनि भन्न सक्छ ।

यसका लागि क्लबले मेस्सी र नेयमारबीचको दोस्तीमा एमबाप्पेलाई छिराउने प्रयास गर्नेछ र तीन जनाको आक्रमण रणनीति बुन्ने योजना बनाउन सक्छ । एमबाप्पेलाई फकाउन पीएसजीले फ्रान्सका अहिलेका राष्ट्रपति इमानुल म्याक्रोनको पनि सहयोग लिन सक्छ । म्याक्रोन आफै पनि एमबाप्पे पेरिसमै रहनु पर्छ भन्ने पक्षका हुन् ।

अनि पीएसजीले आफ्ना समर्थकलाई एमबाप्पेको पक्ष लिन पनि भन्न सक्छ । त्यति मात्र होइन्, पीएसजी एमबाप्पेको परिवारसँग बढी हेलमेल गर्ने प्रयासमा पनि छ ।

यसैक्रममा पीएसजीले एमबाप्पेको च्यारिटीलाई बढी सहयोग गर्ने पनि भन्ने छ । अझ पीएसजीले एमबाप्पेलाई कतारसँगको व्यवसायिक अनुबन्ध बढाउने लोभ पनि देखाउन सक्नेछ ।

-मार्काको सहयोगमा ।