सुसानद्वारा सम्झौता नविकरण

काठमाडौं । ललितपुरको 'ए' डिभिजन क्लब थ्री स्टारका फरवार्ड सुसान श्रेष्ठले क्लबसँगको सम्झौता नवीकरण गरेका छन् ।

थ्री स्टारले शनिबार सामाजिक संजालबाट फरवार्ड सुसानले सम्झौता नवीकरण गरेको जनाएको छ ।

२२ वर्षीय सुसानले थ्री स्टारसँग दुई वर्षको लागि सम्झौता नवीकरण गरेका हुन् ।

सुसान थ्री स्टारको यू-१८ टोलीको पहिलो ब्याचका खेलाडी हुन् ।

उनी ललित मेमोरियल यू-१८ प्रतियोगिता थ्री स्टारका लागि गोल गर्ने पहिलो खेलाडी हुन् ।

सहिद स्मारक 'ए' डिभिजन लिगका लागि थ्री स्टारले सुसानसँगको सम्झौता नवीकरण गरेको हो ।  

'ए' डिभिजन लिग कात्तिक २९ बाट सुरु हुनेछ । 

थ्री स्टारले  यस अघि गोलकिपर रोशन गुरुङ, मिडफिल्डर आयुश घलान, डोना थापा र  डिफेन्सिभ मिडफिल्डर राफायल बिडीएस रिमलाई अनुबन्ध गरेको थियो ।

यस्तै कप्तान बिक्रम लामा, डिफेन्डर अनन्त तामाङ,मिडफिल्डर सन्जोक राई, मनाग्य नकर्मी, निराजन महर्जन र निशान खड्कासँगको सम्झौता नवीकरण गरेको थियो ।