चेल्सीका बाकायोको मिलानमा

काठमाडौं ।  इटालियन क्लब एसी मिलानले फ्रेन्च मिडफिल्डर टिमोउ बाकायोकोलाई अनुबन्ध गरेको छ ।

मिलानले मिडफिल्डर बाकायोकोलाई दुई वर्षको लागि लोनमा चेल्सीबाट अनुबन्ध गरेको हो ।

यस्तै चेल्सीले बोकायोकोलाई स्थायी खेलाडीको रुपमा अनुबन्धको लागि बिकल्प समेत दिएको छ ।

२७ वर्षीय मिडफिल्डर सन् २०१७ मा मोनाकोबाट चेल्सी आएका थिए ।

तर, चेल्सीको सुरुवाती टोलीमा अटाउन उनले संघर्ष गर्दै आइरहेका थिए ।

गत सिजन उनले इटालियन क्लब नापोलीबाट खेलेका थिए। 

उनले २०१८/१९ को सिजन पनि मिलानबाट लोनमा खेलेका थिए ।

चेल्सीका लागि उनले कुल ४३ खेलमा ३ गोल गरेका छन् ।

फ्रान्सका लागि उनले १ खेल खेलेका छन् ।