बार्सिलोनाको दोस्रो जित

काठमाडौं। स्पेनिस ला लिगा फुटबलमा बार्सिलोनाले दोस्रो जित निकालेको छ।

आइतबार राति भएको खेलमा गेटाफेलाई २-१ गोल अन्तरले पराजित गर्दै बार्सिलोनाले दोस्रो जित निकालेको हो।

घरेलु मैदानमा बार्सिलोनालाई जित दिलाउन सेर्जी रोबर्टो र मेम्फिस डिपेले एक एक गोल गरे ।

गेटाफेका सान्ड्रो रामिरेजले एक गोल फर्काए।

खेलको दोस्रो मिनेटमा रोबर्टोले गोल गर्दै बार्सिलोनालाई सुरुवाती अग्रता दिलाएका थिए।

१८ औं मिनेटमा सान्ड्रोले गोल गर्दै गेटाफेलाई १-१ गोलको बराबरीमा ल्याए ।

त्यसपछि खेलको ३० औं मिनेटमा डिपेले गोल गर्दै बार्सिलोनालाई २-१ को जित दिलाए ।

जितसँगै बार्सिलोनाले ३ खेलमा ७ अंक जोडेको छ । बार्सिलोना चौंथो स्थानमा रहेको छ ।

गेटाफेको यो लगातार तेस्रो हार हो । गेटाफेले अंक जोड्न सकेको छैन ।