फुरी र वाइल्डरबीचको भिडन्त स्थगित

एजेन्सी । टाइसन फुरी र डिओन्टटी वाइल्डरबीचको बहुप्रतिक्षित फाइट स्थगित भएको छ ।

इंग्ल्यान्डका बक्सर फुरीलाई कोरोना भाईरसको संक्रमण देखिएपछि बहुप्रतिक्षित भिडन्त स्थगित गरिएको हो ।

डब्लुबीसी वर्ल्ड हेविवेट च्याम्पियन फुरी र अमेरिकी बक्सरबीचको भिडन्त जुलाई २४ मा तय भएको थियो । भिडन्त लास भेगासमा हुने तय थियो ।

अब उक्त भिडन्त आगामी अक्टोबरमा हुने बताईएको छ ।

सन् २०२० को फेब्रुवरीमा फुरीले वाइल्डरलाई हराएर डब्लुबीसी च्याम्पियन बनेका थिए ।

वाइल्डरसँगको भिडन्तको लागि फुरीले तयारी गरिरहेका थिए । त्यहिँ तयारीको दौरान उनलाई कोरोना पोजेटिभ देखिएको हो ।

फुरीले ट्रेनिङ गरिरहेको जिमका कम्तिमा १० जनामा कोरोना देखिएको बताईएको छ ।