एजेन्सी । अष्ट्रेलियामा आयोजना हुने फर्मुला वानको प्रतियोगिता अष्ट्रेलियन ग्राण्ड प्रिक्स रद्द भएको छ ।
विश्वमा फैलिएको कोरोना भाईरसको कारण अष्ट्रेलियन ग्राण्ड प्रिक्स रद्द गरिएको हो ।
अष्ट्रेलियन ग्राण्ड प्रिक्स मेलबर्नस्थित अल्बर्ट पार्कमा नोभेम्बर १८ देखि २१ सम्म हुने तालिका रहेको थियो ।
'अष्ट्रेलियन ग्राण्ड प्रिक्स कर्पोरेसन र भिक्टोरिया सरकारबीचको छलफलपछि कोरोना महामारी र चुनौतीको कारण फर्मुला वानको अष्ट्रेलियन ग्राण्ड प्रिक्स रद्द गरिएको छ,' आयोजकले जारी गरेको विज्ञप्तिमा भनिएको छ ।
अष्ट्रेलियन ग्राण्ड प्रिक्स लगातार दोस्रो वर्ष रद्द भएको हो ।
कोरोनाकै कारण गत वर्ष समेत प्रतियोगिता रद्द भएको थियो ।
-1736873565.JPG)
