आचार्यलाई खेलकुद पत्रकारिता पुरस्कार

सिमरा । नेपाल खेलकुद पत्रकार मञ्च बाराले प्रदान गर्ने ‘खेलकुद पत्रकारिता पुरस्कार’ पत्रकार अविनाश आचार्यलाई प्रदान गरिने भएको छ ।

सिमरामा शनिबार बसेको मञ्चको बैठकले आचार्यलाई यस वर्षको खेलकुद पत्रकारिता पुरस्कार प्रदान गर्ने निर्णय गरेको हो ।

मञ्चका अध्यक्ष सुनील गाउलेले २५ हजार राशीको सो पुरस्कार सिआईएन र स्थानीय रेडियो सिमरामा कार्यरत पत्रकार आचार्यलाई प्रदान गरिने जानकारी दिए ।

आगामी भदौ २७ गते मञ्चको स्थापना दिवसका अवसरमा एक कार्यक्रमका विच पुरस्कार प्रदान गरिने अध्यक्ष गाउलेले बताए ।

जिल्लामा रहेर कृयाशिल पत्रकारहरुलाई खेलकुद पत्रकारितामा प्रोत्साहन गर्ने उद्देश्यले मञ्चले स्थापना गरेको सो पुरस्कार आगामी दिनमा प्रत्येक वर्ष प्रदान गर्ने निर्णय समेत बैठकले गरेको छ ।

मञ्चका अध्यक्ष गाउँलेको अध्यक्षतामा सप्पन्न बैठकमा मंचका सल्लाहकार समेत रहेका पत्रकार महासंघ बाराका अध्यक्ष रेशम तिवारी, वरिष्ठ पत्रकार गुरुप्रसाद गौतम लगायतको उपस्थिति रहेको थियो ।