अष्ट्रियाविरुद्ध नेदरल्यान्ड्सलाई अग्रता

एजेन्सी । १६ औं संस्करणको युरोकप फुटबलमा अहिले नेदरल्यान्ड्स र अष्ट्रियाबीच प्रतिस्पर्धा भईरहेको छ  ।

जोहन क्रुफ एरिनामा जारी खेलको पहिलो हाफ सकिदा नेदरल्यान्ड्सले १-० गोलको अग्रता बनाएको छ ।

खेलको ११ औं मिनेटमा मेम्फिस डिपेले पेनाल्टीमा गोल गर्दै नेदरल्यान्ड्सलाई अग्रता दिलाएका हुन् ।

अष्ट्रियाका कप्तान डेभिड अल्बाले पेनाल्टी क्षेत्रमा डेन्जेललाई फाउल गर्दै लडाएपछि नेदरल्यान्ड्सले पेनाल्टीको अवसर पाएको हो । जसमा डिपेले सहजै गोल गरे ।

समूह 'सी’ मा रहेको नेदरल्यान्ड्स आज लगातार दोस्रो जित निकाल्ने योजनामा रहेको छ । समूहको शीर्ष स्थानमा रहेको नेदरल्यान्ड्सले पहिलो खेलमा युक्रेनलाई ३–२ ले हराएको थियो ।

अष्ट्रिया पनि लगातार दोस्रो जित निकाल्न चाहन्छ । पहिलो खेलमा अष्ट्रियाले नर्थ म्यासेडोनियालाई ३–१ ले हराएको थियो ।