२३ दिनपछि प्रशिक्षक गाटुसोले छाडे फियोरेन्टिना

एजेन्सी । इटालियन सिरी 'ए' क्लब फियोरेन्टिनाका मुख्य प्रशिक्षक गेनारो गाटुसोले क्लब छाडेका छन् ।

फियोरेन्टिनाले बिहीबार गाटुसोले क्लब छाडेको बताएका छन् ।

 मुख्य प्रशिक्षक नियुक्त भएको २३ दिन पछि उनले क्लब छाडेका हुन् ।

नापोली र एसी मिलानका पूर्व प्रशिक्षक गाटुसो गत मे २५ मा मुख्य प्रशिक्षक नियुक्त भएका थिए ।

इटालियन मिडियाका अनुसार खेलाडी हस्ताक्षरको विषयमा क्लबमा व्यवस्थापक टिमसँग कुरा नमिल्दा उनले क्लब छाडेका हुन् ।