इमिलियानो भिल्लामा अनुबन्धित

एजेन्सी । प्रिमियर लिग क्लब एस्टन भिल्लाले अर्जेन्टिनाका मिडफिल्डर इमिलियानो बुएनडियालाई अनुबन्धित गरेको छ ।

भिल्लाले सोमबार नर्विच सिटीका मिडफिल्डर इमिलियानोलाई अनुबन्ध गरिएको जनाएको छ ।

'एस्टन भिल्ला र नर्विच सिटीबीच इमिलियानो बुएनडियाको हस्तान्तरणका लागि सम्झौता भएको छ,' भिल्लाले भनेको छ ।

भिल्लाले उनी अर्जेन्टिनाको टिम रहेको र बायो बबल्सबाट निस्किएपछि अन्तिम सम्झौता हुने जनाएको छ ।

आर्सनल जाने चर्चा चलिरहेको बेला भिल्लाले इमिलियानोलाई अनुबन्ध गरेको हो ।

२४ वर्षीय मिडफिल्डरले यस सिजन च्याम्पियनसिपमा ३९ खेलमा खेल्दै १५ गोल गरेका छन् । उनले १६ असिस्ट समेत गरेका थिए ।

इमिलियानो यस सिजनको च्याम्पियनसिपमा प्लेयर अफ दि सिजन समेत चुनिएका थिए ।