ब्राजिलको जितमा नेयमार र रिचार्लिसनको गोल

एजेन्सी । फिफा विश्वकप छनोटमा ब्राजिलले सहज जित निकालेको छ ।

दक्षिण अमेरिकी छनोट अन्तर्गत शनिबार भएको खेलमा ब्राजिलले इक्वेडरलाई २-० गोल अन्तरले पराजित गरेको हो ।

ब्राजिललाई जित दिलाउन रिचार्लिसन र नेयमारले एक एक गोल गरे ।

खेलको ६५ औं मिनेटमा रिचार्लिसनले गोल गर्दै ब्राजिललाई अग्रता दिलाएका थिए ।

त्यसपछि खेलको इन्जुरी समयमा नेयमारले पेनाल्टीमा गोल गर्दै ब्राजिललाई २-० गोलको जित दिलाए ।

विश्वकप छनोटमा यो ब्राजिलको लगातार पाँचौं जित हो ।

जितसँगै ब्राजिलले ५ खेलमा १५ अंक जोडेको छ ।

ब्राजिल तालिकाको शीर्ष स्थानमा रहेको छ ।

इक्वेडर ९ अंक जोडेर तेस्रो स्थानमा रहेको छ ।