सिल्भाद्वारा सम्झौता नवीकरण

एजेन्सी । इंग्लिस क्लब चेल्सीका डिफेन्डर थियागो सिल्भाले क्लबसँगको सम्झौता नवीकरण गरेका छन् ।

सिल्भाले शुक्रबार सन् २०२२ सम्म क्लबमा रहने गरि चेल्सीसँगको सम्झौता नवीकरण गरेका छन् ।

ब्राजिलियन सिल्भा गत सिजन फ्रि ट्रान्सफरमा चेल्सी आएका थिए ।

फ्रेन्च क्लब पेरिस सेन्ट जर्मेन (पीएसजी) सँगको सम्झौता सकिएपछि उनी चेल्सी आएका हुन् ।

३६ वर्षीय सिल्भाले चेल्सीका लागि ३४ खेल खेलेका छन् ।

सिल्भा सन् २०१२ मा एसी मिलानबाट पीएसजी आएका थिए ।

पीएसजीमा आठ वर्ष रहदा सिल्भाले ७ पटक लिग वानको उपाधि जितेका थिए ।