ड्रोग्बालाई मानार्थ डिग्री

एजेन्सी । आइभरी कोस्टका पूर्व स्ट्राइकर डिडियर ड्रोग्बाले मानार्थ डिग्री प्राप्त गरेका छन् ।

आइभरी कोस्टको रुस्टा युनिभर्सिटीले ड्रोग्बालाई मानार्थ डिग्री प्रदान गरेको हो ।

पश्चिम अफ्रिकी देशमा शान्ति कायम राख्न महत्वपूर्ण भूमिका निर्वाह निर्वाह गरेको भन्दै ड्रोग्बालाई मानार्थ डिग्री प्रदान गरिएको युनिभर्सिटीले जनाएको छ ।

सन् २००६ को विश्वकपका लागि छनोट भएपछि ड्रोग्बाले गृहयुद्ध अन्त्यका भाषण दिएका थिए । सुडानलाई हराएर विश्वकपमा छनोट भएपछि ड्रोग्बाले खेलाडीको जेन्जिङ रुमबाटै द्वन्द अन्त्य गर्न आह्वान गरेका थिए । जसको कारण आइभरी कोस्टमा युद्धविराम भएको थियो ।

४३ वर्षीय ड्रोग्बाले आफु जन्मेको ठाउमा अप्तल बनाउन ३ मिलियन सहयोग गरेका थिए । यस्तै उनी युनाईटेड नेसन्स डेभलपमेन्ट प्रोग्रामको गुडविल एम्बासडर भएर समेत कम गरेका थिए ।

चेल्सीका पूर्व स्ट्राइकर ड्रोग्बाले आफ्नो राष्ट्रका लागि १ सय ५ खेलमा ६५ गोल गरेका थिए  । ड्रोग्बालाई आइभरी कोस्टका महान फुटबलर मानिन्छ । उनले सन् २००२ देखि २०१४ सम्म आइभरी कोस्टका लागि खेलेका छन् ।

ड्रोग्बाले प्रिमियर लिग क्लब चेल्सीका लागि ३ सय ८१ खेल खेलेका थिए । जसमा उनले १ सय ६४ गोल गरेका थिए ।

चेल्सीका लागि उनले चार प्रिमियर लिग उपाधि जित्दा एक च्याम्पियन्स लिग जितेका थिए । चेल्सीका उनी सर्वाधिक गोलकर्ताको चौंथो स्थानमा रहेका छन् ।