बार्सिलोनाले अनुबन्ध गर्यो इमर्सन

एजेन्सी । स्पेनिस क्लब बार्सिलोनाले ब्राजिलियन डिफेन्डर इमर्सन रोयललाई अनुबन्धित गरेको छ ।

बार्सिलोनाले स्पेनिस क्लब रियल बेटिसबाट डिफेन्डर इमर्सनलाई अनुबन्ध गरेको हो ।

बार्सिलोनाले इमर्सनलाई ९ मिलियन युरोमा क्लब भित्र्याएको हो ।

राइट ब्याक इमर्सनले बार्सिलोनासँग २०२४ सम्मको सम्झौता गरेका छन् ।

२२ वर्षीय डिफेन्डरले यस सिजन ला लिगामा ३४ खेलमा १ गोल गरेका थिए ।

उनी ब्राजिलको राष्ट्रिय टिममा समेत रहेका छन् ।