पहिलो हाफमा नेपाल ४-२ ले पछाडी

काठमाडौं । नेपाली राष्ट्रिय फुटबल टिमले अहिले मैत्रीपूर्ण खेलमा इराकसँग प्रतिस्पर्धा गरिरहेको छ ।

बसरास्थित अल्फायहा अन्तराष्ट्रिय मैदानमा जारी खेलको पहिलो हाफ सकिदा इराकविरुद्ध नेपाल ४-२ ले पछि परेको छ ।

खेलको सातौं मिनेटमा इराकका अला अब्दुला खासिनले फ्रिकिकमा गोल गर्दै घरेलु टोलीलाई अग्रता दिलाएका थिए ।

आठौं मिनेटमा इराकका डिफेन्डर अहमेद इब्राहिम खलाफले आत्मघाती गोल गरेपछि नेपालले १-१ गोलको बराबरी गर्यो ।

खेलको ३९ औं मिनेटमा डेब्यु खेलाडी मनिस डाँगीले गोल गर्दै नेपाललाई २-१ को अग्रता दिलाए  ।

तर, ३९ औं मिनेटमा मोहमद अब्दुलझाराले गोल गर्दै खेल २-२ को बराबरीमा ल्याए ।

खेलको ४० औं मिनेटमा एमेन हुसेनले गोल गर्दै इराकलाई ३-२ को अग्रता दिलाए ।

त्यसपछि खेलको इन्जुरी समयमा हुसेनले व्यक्तिगत दोस्रो गोल गर्दै इराकलाई ४-२ को अग्रता दिलाएका छन् ।