नेपाल र इराक १-१ को स्थितिमा

काठमाडौं । नेपाली राष्ट्रिय फुटबल टिमले अहिले मैत्रीपूर्ण खेलमा इराकसँग प्रतिस्पर्धा गरिरहेको छ ।

बसरास्थित अल्फायहा अन्तराष्ट्रिय मैदानमा जारी खेलमा नेपाल र इराक १-१ गोलको स्थितिमा खेलिरहेको छ ।

खेलको सातौं मिनेटमा इराकका अला अब्दुला खासिनले फ्रिकिकमा गोल गर्दै टोलीलाई अग्रता दिलाए ।

तर, आठौं मिनेटमा इराकका डिफेन्डर अहमेद इब्राहिम खलाफले आत्मघाती गोल गरेपछि खेल १-१ को स्थितिमा पुगेको हो ।