सानदार जितसँगै सिटीले उचाल्यो उपाधि ट्रफी
एजेन्सी । च्याम्पियन म्यानचेस्टर सिटीले प्रिमियर लिग अन्तर्गत सिजनको आफ्नो अन्तिम खेलमा सानदार जित निकालेको छ ।
आइतबार राति भएको खेलमा सिटीले एभर्टनलाई ५-० गोल अन्तरले पराजित गरेको हो ।
घरेलु मैदानमा सिटीलाई जित दिलाउन सर्जियो अग्युरोले दुई गोल गरे । यस्तै केभिन डी ब्रुएन, ग्राबियल जिसस र फिल फोडेनले एक एक गोल गरे ।
खेलको ११ औं मिनेटमा ब्रुएनले गोल गर्दै सिटीलाई १-० को अग्रता दिलाए ।
१४ औं मिनेटमा जिससले गोल गर्दै सिटीको अग्रता २-० को बनाए ।
३७ औं मिनेटमा एभर्टनका गिल्फी सिगुर्डसनले पेनाल्टीमा गोल गर्न सकेनन् । उनको प्रहार सिटीका गोलकिपर एडर्सनले बचाए ।
खेलको ५३ औं मिनेटमा फोडेनले गोल गर्दै टिमको अग्रता ३-० को बनाए ।
७१ औं मिनेटमा सिटीका लागि अन्तिम खेल खेलिरहेका अग्युरोले गोल गर्दै टिमको अग्रता ४-० को बनाए । उनी सिजनको अन्त्यसँगै क्लब छाड्दै छन् ।
फराकिलो जितसँगै सिटीले उपाधि ट्रफी समेत उचालेको छ ।
सिटीले उपाधि जित्ने क्रममा यस सिजन ३८ खेलमा ८६ अंक जोड्यो ।
एभर्टन भने ५९ अंक जोडेर दशौँ स्थानमा रह्यो ।
