फ्रान्सको टिममा बेन्जिमाको पुनरागमन

एजेन्सी । फ्रान्सले युरोकप फुटबलका लागि राष्ट्रिय टिमको घोषणा गरेको छ ।

फ्रान्सले मंगलबार राति युरोकप खेल्ने २६ सदस्सीय टिमको घोषणा गरेको हो ।

फ्रान्सले घोषणा गरेको टिममा करिम बेन्जिमाले पुनरागमन गरेका छन् ।

रियल मड्रिडका फरवार्ड बेन्जिमा ६ वर्षपछि टिममा परेका हुन् ।

बेन्जिमा २०१५ बाट राष्ट्रिय टिम बाहिर रहदै आएका थिए ।

उनी यौनकाण्डमा मुछिएपछि टिम बाहिर रहदै आएका थिए ।

३३ वर्षीय बेन्जिमाले पूर्व टिम मत माथियुलाई यौन भिडियो पठाएर ब्लाकमेल गरेको आरोप लागेको थियो ।

तर, उनले आरोपलाई नकार्दै आएका छन् ।

युरोकप फुटबल जुन ११ देखि जुलाई ११ सम्म आयोजना हुँदैछ ।

यस पटकको युरोकप युरोपका विभिन्न ११ शहरमा हुँदैछ ।