मार्टिनेजले बार्यन छाड्ने

एजेन्सी । बार्यन म्युनिखले जाभी मार्टिनेजले सिजनको अन्तिममा क्लब छाड्ने बताएको छ ।

एलिनाज एरिनामा ९ वर्ष बिताएका मार्टिनेज यस सिजनको अन्त्यसंगै क्लब छाड्ने भएका हुन् ।

दुवै पक्षको सहमतीमा मार्टिनेजले क्लब छाड्न लागेका हुन् । दुवै पक्ष सम्झौता नविकरणका लागि तयार भएनन् ।

मार्टिनेज बार्यनले बुन्डेसलिगामा खेल्ने अन्तिम तीन लिग खेलमा भने उपलब्ध हुनेछन् । मार्टिनेजले बुन्डेसलिगाको बोरुसिया मोन्चेनग्लाडवाच, उल्भर्सवर्ग र फ्रिबर्गविरुद्ध खेल्ने क्लबले जनाएको छ ।

‘करिब ९ वर्ष बार्यन परिवारको हिस्सा बन्न पाएकोमा धेरै गर्व र खुसी लागेको छ ।’ स्पेनिस मिडफिल्डरले क्लबको वेवसाईटमा भनेका छन् ।

‘मैले बिताएको ९ वर्ष भुल्ने छैन । सुरुको दिनबाट सम्झिरहनेछु । म क्लबकै लागि बाँचे । सकेको सधै दिए । संंगै जितेका उपाधिका लागि म धेरैनै खुसी छु ।’ उनले थपेका छन् ।

मार्टिनेज एथ्लेटिको क्लबबाट कीर्तिमानी मुल्यमा सन् २०१२ मा बार्यन आएका थिए । उनले जर्मन क्लबका लागि २ सय ६६ खेलमा मैदान उत्रिए ।

विश्वकप विजेता मार्टिनेजले क्लबका लागि १४ गोल गरेका छन् । उनले सन् २०१३ मा युरोपियन सुपर कपमा चेल्सीविरुद्ध र सन् २०२० मा सेभियाविरुद्ध अन्तिम मिनेटमा बार्यनका लागि गोल गरेका थिए ।

उनी सम्मिलित बार्यनले ८ बुन्डेसलिगा, २ च्याम्पियन्स लिग, ५ डीएफबी पोकल जितेको छ । उनी युरोपेली क्लब फुटबलका उत्कृष्ट डिफेन्सिफ मिडफिल्डर मानिन्छन् ।