सिटीलाई क्रिस्टलको चुनौती

एजेन्सी । इंग्लिस प्रिमियर लिग फुटबलमा आज म्यानचेस्टर सिटीले क्रिस्टल प्यालेससँग प्रतिस्पर्धा गर्दैछ ।

उपाधि नजिक रहेको सिटीले क्रिस्टलसँग उसैको मैदानमा खेल्नेछ । सिटी र क्रिस्टलबीचको खेल साँझ ५:१५ बजे सुरु हुनेछ ।

क्रिस्टलको मैदानमा सिटी जित निकाल्दै उपाधिको पकड थप बलियो बनाउन चाहन्छ ।

तर, घरेलु टिमविरुद्ध सिटीलाई जित निकाल्न सहज भने हुने छैन ।

सिटी ३३ खेलमा ७७ अंक जोडेर शीर्ष स्थानमा रहेको छ ।

क्रिस्टल ३२ खेलमा ३८ अंक जोडेर १३ औं स्थानमा रहेको छ ।

प्रिमियर लिग अन्तर्गत नै चेल्सीले फुलहमसँग खेल्नेछ ।

चेल्सी ५८ अंक जोडेर लिगको चौंथो स्थानमा रहेको छ ।

फुलहम २७ अंक जोडेर १८ औं स्थानमा रहेको छ ।

अर्को खेलमा ब्राइटनले लिड्स युनाईटेडसँग खेल्नेछ ।