बराबरीमा रोकियो लेष्टर

एजेन्सी । इंग्लिस प्रिमियर लिग फुटबलमा लेष्टर सिटी बराबरीमा रोकिएको छ ।

शुक्रबार राति भएको खेलमा लेष्टरले साउथह्याम्पटनसँग १-१ गोलको बराबरी खेलेको हो ।

सुरुवातमै १० खेलाडीमा सिमित भएको साउथह्याम्पटनमाथि लेष्टरले जित निकाल्न नसकेको हो ।

खेलको १० औं मिनेटमा जान्निक भेस्टरगार्डले रातो कार्ड पाएपछि लेष्टर १० खेलाडीमा समेटिएको थियो । जेमी भार्डीलाई खराब ट्याकल गरेपछि उनले कार्ड पाएका थिए ।

खेलमा सुरुवाती अग्रता पनि साउथह्याम्पटनले नै बनायो ।

खेलको ६१ औं मिनेटमा जेम्स वार्डले पेनाल्टीमा गोल गर्दै साउथह्याम्पटनलाई १-० को अग्रता दिलाए ।

तर, खेलको ६८ औं मिनेटमा जोनी इभान्सले गोल गर्दै लेष्टरलाई १-१ गोलको बराबरीमा फर्काए ।

यस बराबरीसँगै लेष्टर ३४ खेलमा ६३ अंक जोडेर तेस्रो स्थानमा रहेको छ ।

साउथह्याम्पटन ३७ अंक जोडेर १४ औं स्थानमा रहेको छ ।