दर्शक सहितको खेलकुद नहुने !
काठमाडौं । सरकारले दर्शक सहितको खेलकुदलाई बन्द गर्ने निर्णय गरेको छ ।
सोमबार बसेको मन्त्रीपरिषद् बैठकले दर्शक सहित रंगशालामा हुने खेलकुद बन्द गर्ने निर्णय गरेको हो ।
भीडभाड हुने कार्यक्रममा जनस्वास्थ्यको मापदण्डको पालना गर्न कठिन हुने र कोरोनाको जोखिम कायमै रहने भएकाले सरकारले दर्शकलाई खेलकुद प्रतियोगितामा बन्द गर्ने निर्णय गरेको हो ।
मन्त्रीपरिषद्को बैठकले हेल्थ क्लब, जिमखाना, स्वीमिङ पुल र दर्शक सहितको रंगशाला हुने खेलकुद बन्द हुने बताएको छ ।
पछिल्लो समय देशभर कोरोनाको दोस्रो लहर सुरु भएसंगै सरकारले विद्यालय सहितका भिडभाड हुने स्थानलाई बन्द गर्ने निर्णय गरेको हो ।
विश्वभर कोरोनाको संक्रमण बढेपनि नेपालमा ठुला खेल स्पर्धाहरु आयोजना हुदैछ । अहिले त्रिवि मैदानमा नेपाल सम्मिलित त्रिकोणात्मक सिरिज सञ्चालन भईरहेको छ ।
बैशाख ११ गतेदेखि घरेलु फुटबलको पहिलो फ्रेन्चाईज प्रतियोगिता नेपाल सुपर लिग (एनएसएल) सञ्चालन हुदैछ ।
सरकारको निर्णयसंगै पाइपलाइनमा रहेका घरेलु खेलकुदका प्रतियोगिता प्रभावित हुने देखिएको छ । अधिकांश खेल स्पर्धा दर्शक रहित खेलाउन आयोजकलाई दबाब परेको छ ।
