काठमाडौं । दोस्रो संस्करणको बाग्लुङ खुल्ला राष्ट्रिय टु ए साईट पुरुष भलिबल प्रतियोगिता आयोजना हुने भएको छ ।
हेप्पी योङ युथ क्लबको आयोजनामा हुने प्रतियोगिता चैत्र २६ देखि २९ गतेसम्म हुनेछ ।
प्रतियोगिताका सम्पूर्ण खेल नयाँ बसपार्क स्थित ढोरपाटन भलिबल प्रशिक्षण केन्द्रको कोर्टमा आयोजना हुने भएका छन् ।
‘खेलाडी मान होईन सम्मान हो, खेलुकद शान हाईन हाम्रो पहिचान हो’ भन्ने नारा सहित सुरुहुने प्रतियोगिताको टिम दर्ता शुल्क समेत तोकिएको छ । ईच्छुक टोलीले ३५ सय तिरेर प्रतियोगितामा सहभागीता जनाउन सक्नेछन् ।
प्रतियोगिताको विजेता जोडीले ६० हजार पाउने छन् भने दोस्रो हुने टोलीले ३० हजार पाउनेछन् । यस्तै तेस्रो हुने जोडीले १५ हजार नगद पाउने आयोजक हेप्पी योङ युथ क्लबले जनाएको छ ।
