काठमाडौं । अनेरा खेलकुद मन्चले अर्घाखाँचीको भूमिकास्थान नगरपालिका ढाकावाङ्गमा आयोजना भएको पिपलनेटा प्रथम खुल्ला भलिबल प्रतियोगिताको उपाधि जितेको छ ।
आइतबार भएको फाइनलमा सन्धिखर्क नगरपालिका-१२ लाई हराउँदै खेलकुद मन्चले उपाधि जितेको हो ।
उपाधि जित्ने क्रममा खेलकुद मन्चले सन्धिखर्कलाई २५-२३,१८-२५,२५-१८ र २५-२० को सेटमा पराजित गर्यो ।
यस्तै आयोजकको ए टिमले तेस्रो स्थान हासिल गर्यो ।
आयोजकले फलामखिली भुनपामाथि २५-२०,२५-८ र २५-२२ को सेटमा जित निकाल्यो ।
विजेताले ५१ हजार, उपविजेताले ३१ हजार र तेस्रो हुने टिमले २१ हजार रुपैयाँ सहित शिल्ड, मेडल र प्रमाणपत्र प्राप्त गरेका छन् ।
प्रतियोगिताको उत्कृष्ट खेलाडी खेलकुद मन्चका कमल श्रेष्ठ चुनिए । आयोजकका अशिम राना अनुशासित खेलाडी बने । उनीहरुले समान ३ हजार ५ सय प्राप्त गरे ।
खुल्ला भलिबल प्रतियोगितामा १८ टिमको सहभागिता छ ।
