टोकियो ओलम्पिकमा विदेशी समर्थकलाई निषेध

एजेन्सी । जापानमा आयोजना हुने टोकियो ओलम्पिक र पाराओलम्पिकमा विदेशी समर्थकलाई प्रवेश निषेध गरिएको छ ।

अन्तराष्ट्रिय ओलम्पिक कमिटि र पाराओलम्पिक कमिटिले शनिबार विदेशी समर्थकलाई रंगशाला प्रवेशमा निषेध गर्ने निर्णय गरेको हो ।

कोरोना भाईरसको महामारीलाई मध्येनजर गर्दै विदेशी समर्थक अनुमति नदिने निर्णय गरेको हो ।

कोरोनाको कारण एक वर्ष सरेको टोकियो ओलम्पिक जुलाई २३ देखि अगस्ट ८ सम्म हुनेछ ।

विभिन्न खेलको प्रतिस्पर्धा जुलाई २१ बाट नै सुरु हुनेछ । जसमा फुटबल र बेसबल रहेको छ ।

औपचारिक उद्घाटन भने जुलाई २३ मा हुनेछ ।

ओलम्पिकमा ३३ खेलमा प्रतिस्पर्धा हुनेछ । कुल ३ सय ३९ पदकका लागि खेलाडीले प्रतिस्पर्धा गर्ने छन् ।