पब्जी टिम डीआरएसद्वारा खेलाडी अनुबन्ध

काठमाडौं । अनलाईन खेल (ई–गेमिङ्ग) टिम द रियल सोल्जर्स (डीआरएस) ले पाँच खेलाडी अनुबन्ध गरेको छ ।

नेपालको चर्चित मध्येको एक डीआरएसले बिहीबार पाँच खेलाडीसँग सम्झौता पत्रमा हस्ताक्षर गरेको छ ।

डीआरएसले राष्ट्रिय तथा अन्तराष्ट्रिय प्रतियोगिताका लागि युगेन लामा (निन्जा), अजय श्रेष्ठ (एजे), निमा तामाङ्ग (निमा), पेम्बा ग्याल्जेन लामा (ग्याल्जेन) र अञ्जन राई (एमआराबोरो) लाई अनुबन्ध गरेको हो ।

डीआरएसका कार्यकारी अधिकृत भिक्टर पौडेलले खेलाडीसँग सम्झौता पत्रमा हस्ताक्षर गरे ।

सम्झौतासँगै अब डीआरएससँग आबद्द खेलाडीहरुले एक वर्षसम्म मासिक तलब र भत्ता प्राप्त गर्ने छन् । साथै राष्ट्रिय तथा अन्तराष्ट्रिय प्रशिक्षणको दौरान सम्पूर्ण खर्च डीआरएसले ब्यहोर्ने छ ।

टोली व्यवस्थापकमा संगिन भट्टराई रहेका छन् ।