तारादेवी र सुवास स्ट्रङगेष्ट

काठमाडौं । प्रथम देवसुन्दर यादव राष्ट्रिय महिला तथा पुरुष खुल्ला भारोत्तोलन प्रतियोगितामा नेपाल पुलिस क्लबले १४ स्वर्ण पदक जितेको छ ।

राजविराजमा २० स्वर्णका लागि भएको प्रतियोगितामा पुलिसले  १४ स्वर्णपदक सहित ४ रजत पदक जितेको हो ।

प्रतियोगितामा महिलातर्फ तारादेवी पुनले ८७ केजी तौल समूहमा स्वर्णपदक जितिन् ।

५९ केजी तौल समूहमा देवी चौधरी, ७१ केजी तौल समूहमा जुनुमायाँ छन्त्याल, ८१ केजी तौल समूहमा जानकी बुढा, ४९ केजी तौल समूहमा संगिता राईले स्वर्णपदक  जिते ।

यस्तै, ७६ केजी तौल समूहमा पुजा कुमाल, ५५ केजी तौल समूहमा टीकामायाँ गुरुङ, ४५ केजी तौल समूहमा हीरा मोती थारु, ८७ माथि केजी तौल समूहमा सुधा थापाले स्वर्णपदक जिते ।  ७६ केजी तौल समूहमा विद्या राईले रजत जितिन् ।

यसैगरी पुरुषतर्फ ८१ केजी तौल समूहमा विकास थापा, १ सय ९ माथि केजी तौल समूहमा राजिव महर्जन, १ सय २ केजी तौल समूहमा सागर भण्डारी, ९६केजी तौल समूहमा विशाल सिंह विष्टले स्वर्णपदक जिते ।

६७ केजी तौल समूहमा प्रकाश केसीले स्वर्णपदक, ६१ केजी तौल समूहमा मुई लामा, ५५ केजी तौल समूहमा गणेश रानाभाट र ५५ केजी तौल समूह जुनियरतर्फ लालबाबु पाष्वान रजत पदक जितेका थिए ।

प्रतियोगितामा महिलामा तारादेवी पुन र पुरुषमा कञ्चनपुरका १ सय ९ तौल समूहका सुवास उपाध्यय स्ट्रङगेष्ट खेलाडी चुनिए ।

उनीहरुले समान ५–५ हजार नगद, ट्रफी, मेडल र प्रमाणपत्र पाए ।  बाँकी खेलाडीले ट्रफी, मेडल र प्रमाणपत्र पाए ।