धनगढी । धनगढीमा हुने दोस्रो कैलाली अस्पताल सुदूरपश्चिम स्पोर्टस अवार्डको तीन विधाका मनोनयन सार्वजनिक गरिएको छ ।
आयोजक नेपाल खेलकुद पत्रकार मञ्च कैलालीले आइतबार चैत ६ गते आयोजना हुने अवार्डको तीन विधाका मनोनयन सार्वजनिक गरेको हो ।
एनएसजेएफ कैलालीले सुदूरपश्चिम आईकन पुरुष र सुदूरपश्चिम आईकन महिला तथा वर्ष युवा खेलाडी विधाको मनोनयन सार्वजनिक गरेको हो ।
वर्षको युवा खेलाडीको मनोनयनमा कुस्तीकी संगीता धामी, फुटबलका अर्पण कार्की र भलिबलकी पुनम चन्द परेकी छिन् । संगिताले १३ औं दक्षिण एसियाली खेलकुदमा स्वर्ण पदक जितेकी थिईन् । अर्पण कार्की सागमा नेपालले स्वर्ण जित्ने टोलीका सदस्य हुन् । पुनम सागमा रजत तथा सेन्ट्रल जोन भलिबलमा स्वर्ण जित्ने टोलीकी सदस्य हुन् ।
सुदूरपश्चिम आईकन पुरुष विधामा ब्याटमिन्टनका प्रिन्स दाहाल, क्रिकेटका शेर मल्ल र क्रिकेटकै सुवाश ऐर मनोनयनमा परेका छन् ।
सुदूरपश्चिम आईकन महिला विधामा कबड्डीकी जयन्ती बडु, खो खो की पुजा ओड र कुस्तीकी सिंवाङगी दुवे मनोनयनमा परेका छन् ।
अवार्डको सह प्रायोजक मेरो रेडिमेड उद्योगका सञ्चालक मदन कुँवर, निसर्ग हस्पिटल एण्ड रिसर्च सेन्टरका अध्यक्ष तिर्थ पन्त र माया मेट्रो हस्पिटलका अध्यक्ष धिरेन्द्र सावदले मनोनयन सार्वजनिक गरे ।
-1736692535.jpeg)
