पीएसजी फ्रेन्च कपको अन्तिम १६ मा

एजेन्सी । पेरिस सेन्ट जर्मेन (पीएसजी) फ्रेन्च कप फुटबलको अन्तिम १६ मा प्रवेश गरेको छ ।

शनिबार राति भएको खेलमा ब्रेस्टलाई ३-० गोल अन्तरले पराजित पीएसजीले अन्तिम १६ को यात्रा तय गरेको हो ।

पीएसजीलाई जित दिलाउन केलियन एमबाप्पेले दुई गोल गरे । पाब्लो साराबियाले एक गोल थपे ।

खेलको नवौं मिनेटमा एमबाप्पेले गोल गर्दै टोलीलाई अग्रता दिलाएका थिए ।

खेलको ४४ औं मिनेटमा साराबियाले गोल गर्दै पीएसजीलाई २-० को अग्रता दिलाए ।

त्यसपछि खेलको ७४ औं मिनेटमा एमबाप्पेले व्यक्तिगत दोस्रो गोल गर्दै पीएसजीलाई ३-० को जित दिलाए ।

यस्तै लियोनले पनि अन्तिम १६ को यात्रा तय गरेको छ ।

लियोनले सोसुकमाथि ५-२ गोल अन्तरको जित निकालेको हो ।