बाँके । दोस्रो नेपालगंज फोटो फेस्टिभल अन्तर्गत खेलकुद विधामा खेलपाटीमा आबद्द बिक्रम बुढा क्षेत्रीको फोटो उत्कृष्ट ठहरिएको छ ।
नेपालगंजको होटल बाटिकामा बुधबार सम्पन्न फेस्टिभलमा बुढाक्षेत्रीको फोटोले खेलकुद विधामा उपाधि जितेको हो ।
बुढाक्षेत्रीको फुटबल खेलमा गोल गरेपछि दुई खेलाडी रमाउदै गरेको तस्बिर विजेता भएको हो ।
फेस्टिभलमा लुम्बिनी, कर्णाली र सुदुर पश्चिम प्रदेशका फोटोहरु समाबेश हुन पाउने गरी ७ विधामा प्रतियोगिता भएको थियो ।
सस्कृति तथा पर्यटन, दैनिक जनजिवन, समाचार, नेपाल स्माईल , वन्यजन्तु तथा प्रकृति , खेलकुद र फोटो कथा गरि ७ विधामा करिब १ सय फोटोग्राफरबाट झण्डै ४ सय फोटोहरु प्राप्त भएको थियो ।
हरेक विधाका विजेतालाई ५ हजार र प्रतियोगिताको सर्वोत्कृष्ट फोटोलाई नगद २५ हजार पुरस्कार प्रदान गरिएको थियो ।
फोटो पत्रकार क्लबका अध्यक्ष विकास कार्कीको अध्यक्षता भएको निर्णायक मण्डलले विजेता तस्बिर छनौट गरेको हो ।
-1736692535.jpeg)
